Super User
Информация для руководителей организаций!
Ұлттық орталық оқытушылары Астана қаласына арнайы іссапармен барып, «Kaz Minerals Bozshakol» ЖШС орталығы қызметкерлеріне азаматтық қорғаныс бағытында оқу сабақтарын өткізді.
Сабақ барысында төтенше жағдайлар туындаған кезде әрекет ету алгоритмдері, алғашқы іс-шараларды дұрыс ұйымдастыру, қауіпсіздік талаптарын сақтау және персоналдың жедел іс-қимылы бойынша түсіндіру жұмыстары жүргізілді.
Сонымен қатар, алғашқы медициналық көмек көрсету тәртібі, зардап шеккендерге жедел көмек көрсету тәсілдері және оқиға орнында дұрыс әрекет ету бойынша практикалық дағдылар қамтылды.
Оқыту шеңберінде ықтимал қауіп-қатерлерді бағалау, эвакуациялау тәртібі, сондай-ақ төтенше жағдай салдарын азайтуға бағытталған ұсынымдар қарастырылды.
Коммерциялық ұсыныс
Өтінімдер
Азаматтық қорғау бойынша дайындық
Коммерциялық ұсыныс
Ұлттық орталық қызметкерлері Наурыз мерекесі қарсаңындағы 10 күндік іс-шаралар аясында 15 наурыз – Қайырымдылық күніне орай игі іс атқарды. Ұжым мүшелері бірлік пен жанашырлықтың үлгісін көрсетіп, көмекке мұқтаж жандарға қолдау білдірді.
Осы күні орталық қызметкерлері азаматтық қорғау саласында ұзақ жылдар қызмет еткен, қазіргі таңда зейнеткер Сатина Нұрмолдақызына арнайы барып, Наурыз мерекесімен құттықтап, ізгі тілектерін білдірді. Ардагер маманға құрмет көрсетіп, оның көп жылғы еңбегіне алғыс білдірілді.
Мұндай игі бастамалар халқымыздың қайырымдылық, мейірімділік және үлкенге құрмет көрсету дәстүрлерін дәріптеуге бағытталған. Ұлттық орталық ұжымы барша жұртты Наурыз мерекесімен құттықтап, әр шаңыраққа амандық, береке және молшылық тілейді.
Көрісу күні
Ұлттық орталығымызда 14 наурыз – Көрісу күні ерекше аталып өтті. Бұл күн – халқымыздың ежелден келе жатқан салт-дәстүрлерінің бірі. Адамдар бір-бірімен көрісіп, амандық-саулық сұрасып, үлкендерге құрмет көрсетіп, ізгі тілектер айтатын мерекелі күн.
Іс-шара барысында ұжым мүшелері қазақ халқының бай мұрасын еске алып, ұлттық дәстүрдің маңыздылығын көрсетті. Көрісу күні – адамдарды жақындастырып, сыйластық пен бірлікті нығайтатын ерекше күн екені айтылды.Осындай игі дәстүрді жаңғыртып, оны келер ұрпаққа насихаттау – баршамыздың ортақ міндетіміз.
Ұлттық орталығымызда 8 наурыз – Халықаралық әйелдер күніне орай аруларымызды құрметтеуге арналған салтанатты іс-шара өтті.
Мерекелік шара барысында бірқатар қызметкерлер Төтенше жағдайлар министрлігінің грамотасымен, сондай-ақ Ұлттық орталық Президентінің Алғыс хатымен марапатталды. Бұл марапаттар – олардың азаматтық қорғау саласындағы адал еңбегі мен кәсібилігінің айқын көрінісі.
Осы айтулы мереке қарсаңында барша аруларды 8 наурыз – Халықаралық әйелдер күнімен шын жүректен құттықтаймыз!
Қазақстан Республикасының Төтенше жағдайлар вице-министрі Садырбаев Ерболат Алтынбекұлы жұмыс сапарымен Азаматтық қорғау саласындағы ғылыми зерттеулер, даярлау және оқыту ұлттық орталығы мекемесіне келіп, орталықтың негізгі қызмет бағыттарымен, құрыл
Жұмыс сапары барысында вице-министр орталықтың материалдық-техникалық базасын аралап көріп, азаматтық қорғау саласындағы ғылыми зерттеулердің жүргізілу деңгейі, олардың тәжірибелік маңызы мен нәтижелерін қолдану тетіктері туралы толық ақпарат алды. Сонымен қатар, ол сынақ зертханасына арнайы барып, заманауи құрал-жабдықтардың мүмкіндіктерімен, жүргізіліп жатқан тәжірибелік сынақтар мен ғылыми-зерттеу жұмыстарының ерекшеліктерімен танысты. Зерттеу процестерінің сапасын арттыру, ғылыми нәтижелерді тәжірибеге енгізу және халықаралық стандарттарға сәйкестігін қамтамасыз ету мәселелері де назардан тыс қалмады.
Кездесу аясында азаматтық қорғау жүйесін одан әрі дамыту, ғылыми әлеуетті күшейту, кәсіби кадрларды даярлау және қайта даярлау, инновациялық және цифрлық технологияларды енгізу бағыттары кеңінен талқыланды. Вице-министр орталықтың ғылыми және оқу-әдістемелік қызметінің маңыздылығын атап өтіп, мекеме мамандарының жоғары кәсіби біліктілігін, олардың төтенше жағдайлардың алдын алу және ел қауіпсіздігін қамтамасыз ету жолындағы жауапты еңбегін ерекше бағалады.
Сапар қорытындысы бойынша азаматтық қорғау саласындағы ғылыми-зерттеу жұмыстарын жетілдіру, олардың практикалық тиімділігін арттыру, халықаралық ынтымақтастықты кеңейту және заманауи технологияларды жүйелі түрде енгізу мәселелері бойынша бірқатар нақты ұсыныстар мен бастамалар айтылды. Сонымен қатар, орталықтың ғылыми әлеуетін одан әрі дамыту және оны салалық тәжірибемен ұштастыру бағытындағы жұмыстарды жандандырудың маңыздылығы атап өтілді.
Жалпы алғанда, жұмыс сапары ұлттық орталық қызметінің маңыздылығын айқындап, азаматтық қорғау жүйесін ғылыми негізде дамытуға бағытталған бастамаларды іске асыруға серпін берді.
